Recollendo o premio do traballo realizado polo alumnado de 3ºESO, na materia de Educación Dixital do Maximino Romero de Lema, «Unha constitución para todos», coordinado pola compañeira Fina Paulos Lareo e eu, convocado polo Ministerio de Educación, Formación Profesional y Deportes.
A representante do alumnado foi Leticia Vázquez Castiñeira. Voltamos de Madrid moi satisfeitos pola misión cumprida.
Recibimos o galardón na sé do Ministerio, da man do Secretario de Estado para a Educación, Abelardo de la Rosa.
Concurso “Unha Constitución para todos”: Educación en valores desde a aula
O Ministerio de Educación convoca unha nova edición do Concurso Nacional “Unha Constitución para todos”, co obxectivo de fomentar no alumnado a reflexión sobre o valor, a importancia e o papel que xoga a Constitución Española na vida cotiá.
Para que serve este concurso?
- Para promover o pensamento crítico sobre os dereitos e deberes cidadáns.
- Para traballar a educación en valores democráticos desde as primeiras etapas educativas.
- Para dar voz ao alumnado, a través de expresións creativas como relatos, vídeos ou proxectos dixitais.
A quen vai dirixido?
Está aberto a estudantes de ensinanzas non universitarias en centros educativos de todo o Estado, organizados en cinco modalidades:
| Modalidade | Nivel educativo |
|---|---|
| A | 1º e 2º de Primaria |
| B | 3º a 6º de Primaria |
| C | ESO, FP Básica, Educación Especial e Adultos |
| D | Bacharelato e FP de Grao Medio |
| E | FP de Grao Superior e ensinanzas de réxime especial |
Formatos posibles
Os traballos poden presentarse en tres formatos:
- Relato ou poesía
- Proxecto en Scratch (linguaxe de programación)
- Vídeo tipo bibliotráiler
Más información en la web oficial del Ministerio de educación.
